Улсын Их Хурлын Тамгын Газар, НҮБ-ын Хүүхдийн Сан, Гэр бүл, хүүхэд, залуучуудын хөгжлийн газар, Монголын Скаутын Холбоо хамтран зохион байгуулж буй “Өсвөрийн Парламент-2023” хөтөлбөрийн бүртгэл эхэллээ.
Тус хөтөлбөрт ЕБС-ийн 9-11 дүгээр ангийн сурагчид оролцох боломжтой бөгөөд шалгаруулалтын бүртгэл Монгол орон даяар нээлттэй явагдана.
Хөтөлбөрт 21 аймаг, Улаанбаатар хотын 9 дүүргээс нийт 150 сурагч сонгон шалгаруулна. Мөн хүүхдийн оролцооны байгууллагуудаас төлөөлөл сурагчдыг урилгаар оролцуулна.
“Өсвөрийн парламент-2023” хөтөлбөр нь “Эрүүл орчин-Эрүүл хүүхэд” сэдвийн хүрээнд 2023 оны 11 дүгээр сараас 2024 оны 06 дугаар сарын хооронд зохион байгуулагдах юм.
ХӨТӨЛБӨРӨӨС ЮУГ СУРЧ МЭДЭХ ВЭ?
Тогтвортой хөгжлийн зорилгуудын талаар
Парламентын боловсрол, хүний эрхийн талаар
Орчны эрүүл мэндийн болон эрүүл амьдралын хэв маягийн тухай ойлголтууд
Багаар ажиллах ур чадварт суралцах
Нөлөөллийн ажлын дадлага туршлагатай болох
ХЭРХЭН БҮРТГҮҮЛЭХ ВЭ?
2023.11.10-аас өмнө доорх Google Forms линкээр орж бүртгүүлээрэй.
Онлайн анкет нь дараах хэсэгтэй
1. Дээрх өгөгдсөн Google Form-ийн асуултуудад хариулах.
2. Видео бичлэг
“Бидний орчныг бохирдуулагч хүчин зүйлс” сэдвийн хүрээнд хоёр минутын бичлэг бэлтгэх (Гар утсаар бэлтгэж болно)
3. Эсээ
“Эрүүл, аюулгүй орчин – Хүүхдийн оролцоо” 250-300 үгтэй эсээ бичнэ.
